ધુફારી

ના કશું સમજાય છે કે આમ શાને થાય છે;

જો અગર સમજો કશું સમજાવજો કાં થાય છે

આભથી તારા ખરે એના પછી ક્યાં જાયછે;

એ પછી તારા તણાં ભંગારનું શું થાય છે

આભમાં વાદળ ચઢે ને મેઘ વર્ષા થાય છે;

એ પછી ખાલી થયેલા વાદળા ક્યાં જાય છે

પુષ્પથી ઉપવન મહીં સૌરભ બધે ફેલાય છે

એ પછી સૌરભ બધી ફેલાઇને ક્યાં જાય છે

વૃક્ષ કો આંબા મહીં સંતાઇને જે ગાય છે

એ ટહુકો  કોકિલાનો તે પછી ક્યાં જાય છે

જો ‘ધુફારી’ સાદ પાડે શબ્દ એ પડઘાય છે

શબ્દ એ પડઘાયલા તે પછી ક્યાં જાય છે

૧૮.૦૯.૨૦૧૮

Filed under: Poem |