ધુફારી

એજ તો નો’તી ખબર, શું શોધવા ચાલ્યા હતા;

માર્ગની નો’તી ખબર, શું શોધવા ચાલ્યા હતા

આંખ તો પુછી રહી છે, એક બીજીને સતત;

કાંઇ પણ આવ્યું નજર,શું શોધવા ચાલ્યા હતા

એક બીજાને સમાંતર ચાલતા પગ પુછતા;

કેટલી બાકી સફર,શું શોધવા ચાલ્યા હતા

આંખમાં રજકણ પડી, વિચાર સૌ છુટી ગયા;

આંખમાં ફૂટી ટસર, શું શોધવા ચાલ્યા હતા

રાહમાં દીઠા ‘ધુફારી’, પુછવા લાગ્યા હતા;

આંખની ખેંચી ભમ્મર, શું શોધવા ચાલ્યા હતા

૧૩.૦૮.૨૦૧૯

Filed under: Poem |