ધુફારી

જીન્દગી માગ્યા પછી,વિચારવા લાગ્યા;

માણવા લાગ્યા પછી,વિચારવા લાગ્યા

જોઇ ત્યારે ખુબસુરત,એ હતી લાગી;

જાણવા લાગ્યા પછી,વિચારવા લાગ્યા

વાયદા કેરી બજારો,તેજ થઇ ત્યારે;

આણવા લાગ્યા પછી,વિચારવા લાગ્યા

કેટલી સારા નઠારા,વાત શું કરવી;

ચાળવા લાગ્યા પછી,વિચારવા લાગ્યા

દિવસો જાતા મળ્યા,પરચા મને એના;

નાણવા લાગ્યા પછી,વિચારવા લાગ્યા

લાગણીના પુર આવે છે,એ મહીં ક્યારે;

ખાળવા લાગ્યા પછી,વિચારવા લાગ્યા

આ ‘ધુફારી’ની શિખામણ,તો હતી સાચી;

પાળવા લાગ્યા પછી,વિચારવા લાગ્યા

૧૮.૦૯.૨૦૧૮

Filed under: Poem |