ધુફારી

ચહેરા પરે તું કેશ કેરૂ આવરણ શાને કરે

તેના પછી ચહેરા તણું અવતરણ શાને કરે

હું રાહ જોતો બસ રહું તારા કશા વાવડ નથી

આ રાહ જોતા નયન આસું ઝરણ શાને કરે

અરમાન સૌ આવી કરીને પુછતા એવું સતત

જ્યારે મળે તું પૂછવું આ આચરણ શાને કરે

સંગાથ ક્યાં છુટી જશે એ ભય મહીં જીવ્યા કરું

આ રોજની થાતી રમત જીવન મરણ શાને કરે

હું વાત ના માનું ‘ધુફારી’ રોજ જે કહે છે સતત

બસ ચોખવટ તું એ કરી લે દિલ હરણ શાને કરે

૨૦-૦૫-૨૦૧૮

 

 

 

 

 

 

 

 

Filed under: Poem |