ધુફારી

એ મળી ચાલી ગઇ આભાસ બાકી છે;

એ ફરીથી આવશે વિશ્વાસ બાકી છે

આ તમસ ચોપાસ ને ચોફેર બેઠો છે;

હું રહ્યો શોધી કશે અજવાસ બાકી છે

પાળિયા ઊભા કરો એ વાત ન્યારી છે;

શોધવા દફનાવવાને લાશ બાકી છે

ઘાવ જે લાગ્યા હ્રદય પર દુશ્મનો હાથે;

તે થકી ઊંડા પડેલા ચાસ બાકી છે

પ્રેમના સુરજ પરે જોખમ રહ્યું એવું;

ભય સતાવે છે સતત ખગ્રાસ બાકી છે

ખલકના દુઃખો બધા ભેગા થયા રાખ્યા;

હો અગર બાકી હજુ અવકાશ બાકી છે

ફૂલ સૌ અરમાનના ખિલ્યા ને કરમાયા;

તે છતા મૂકી ગયા સુવાસ બાકી છે

પ્રેમથી મળતા અબોલા એ કરી બેઠા;

યાદમાં તો પણ હજુ મિઠાશ બાકી છે

આ “ધુફારી”ની કલમ તો લખતી રહે કવિતા;

એ મહીં સૌ પ્રાસ કે અનુપ્રાસ બાકી છે

૨૨/૧૨/૨૦૧૬

Filed under: Poem |