ધુફારી

મિત્રો કદી પણ શોધતા જડતા નથી;

જે કો’ મળે મારા મતે ભળતા નથી

સમજ્યા વગર જે રીસમાં ચાલ્યા ગયા

એ તો પછી વાળ્યા કદી વળતા નથી

જેના હ્રદયમાં પ્રેમની સરિતા વહે;

તેઓ કદી પણ કોઇથી લડતા નથી

જડભરત જેવા જનો છે આ ખલકમાં;

કો’ વાત એ કાને કદી ધરતા નથી

ચાલાક છે લોકો ઘણા એવા અહીં;

પડદે રહે નજરે કદી ચડતા નથી

એવું ઘણું બનતું રહે જોયા કરો;

એના સઘડ શોધો કદી જડતા નથી

પણ કાં “ધુફારી”ને વિમાસણ થાય છે;

માશુકના પગલા અહીં પડતા નથી

૦૬–૦૯–૨૦૧૬

 

Filed under: Poem |