ધુફારી

ગમો ઘેરી વળે ત્યારે બધું ગમગીન લાગે છ;

છલોછલ હો ભરેલા સૌ રસો રસહીન લાગે છે

સવાલોના બધા ઉત્તર નથી મળતા કદી જ્યારે;

તમારો સાથ હો ત્યારે બધુ મુમકીન લાગે છે

બદનના રૂપ રંગોમાં નજાકત તો નથી હોતી;

તમારા નયનથી જોતા બધું કમસીન લાગે છે

તમારા સંગનો નેડો અમોને એટલો લાગ્યો;

તમે સંગાથ ના હો તો અર્થ વિહીન લાગે છે

‘ધુફારી’ની કલમથી જે લખાયું એ જ વંચાયું,

પઠન જયારે થયું એનું બધું રંગીન લાગે છે       

૦૮-૦૯-૨૦૧૬

Filed under: Poem |