ધુફારી

દિલ નથી કે મન નથી વસમાં હવે;

ના રહ્યો ઉજાશ ઓજસમાં હવે

કેટલી છે કસમકસ ભ્રમણા તણી

ના રહ્યો અવકાશ બોગસમાં હવે

વાટ ઉપર યા કરો નીચે ભલે;

ના રહ્યો કંઇ તેજ ફાનસમાં હવે

ફાયદો ક્યાંથી થશે ફૂંક્યા કરો

ના બચી ચિંગાર આતશમાં હવે

લોહને સોનું કરે તે દિવસ ગયા;

ના રહ્યો એ તેજ પારસમાં હવે

લોક છે ભયભીત ને ડરપોક પણ

થઇ ગયા નાદાર સાહસમાં હવે

ડાઘલા તો સંસારમાં ફારસ કરે

ક્યાં હશે કો વાઘ સરકસમાં હવે

માનવી આપસ મહીં લડતા થયા;

પ્રેમ ના દેખાય માણસમાં હવે

બસ“ધુફારી” નામથી તખતી બની

ના થતો ટંકાર આરસમાં હવે

૦૮-૦૯-૨૦૧૬

Filed under: Poem |