ધુફારી

ના વાતને લાંબી કરી વિવાદ કર;

પાછો ફરીને ના કશી ફરિયાદ કર

વિતી ગયું એ ના કદી પાછું મળે;

મીઠી મધુરી યા કટુ ના યાદ કર

સજની કદી નારાજ હો ના પાલવે;

આગોસમાં ભીસી કરી સંવાદ કર

નારાજ થઇ ચાલ્યા જતા સ્નેહી જનો;

રોકાઇ જાવા પ્રેમથી તું સાદ કર

જે આયખું બાકી રહ્યું છે હાથમાં;

ના હાથથી સરવા દઇ બરબાદ કર

આ જિંદગીના બાગની સંભાળલે;

ત્યાં પ્રેમના સિંચી અમી આબાદ કર

વિણા ‘ધુફારી’ હાથમાં વાગી રહી;

પંચમ થકી ઓમકારનો તું નાદ કર

૨૩-૦૮-૨૦૧૬

Filed under: Poem |