ધુફારી

દૂર છે સુનકારમાં ઝબકાર કરવા આવ તું;

ને પછી છોડી બધુ આ પાર ફરવા આવ તું

વાયરા વાયા વસંતી ચોતરફ ઉલ્હાસ છે;

પુષ્પ માલા લઇ કરી સત્કાર કરવા આવતું

ફૂલ તારા માર્ગમાં મેં પાથર્યા છે પ્રેમથી;

એ પરે પાયલ તણાં ઝણકાર કરવા આવ તું

આભમાં સોહામણી સંધ્યા સખી પથરાય છે;

તું જરા એના સમા શણગાર કરવા આવતું

સોળ તું સણગાર કરજે બસ ‘ધુફારી’ કાજ તું;

ને પછી ગજ ગામિની અભિસાર કરવા આવ તું

૧૨-૦૮-૨૦૧૬

Filed under: Poem |