ધુફારી

 

ગમે ત્યાં રહોતોય હાજર થવાનું,

ચમરબંધ હો તોય ચાકર થવાનું

‘ધુફારી’ સમીકરણ એવા ન સમજે

બધું આખરે તો બરાબર થવાનું

૨૪-૦૬-૨૦૧૬

-૦-

ધ્રુવ છું હું એટલે ખરતો નથી,

સત્ય છું હું એટલે ડરતો નથી;

છે ‘ધુફારી’ અચળ સરતો નથી,

હું સમય છું એટલે મરતો નથી

૨૫.૦૫.૨૦૧૩

ના મજા આ જગતમાં ક્યાંય રહેવામાં નથી,

ના રજા ફરિયાદ કરવા ક્યાંય કહેવામાં નથી;

આ ‘ધુફારી’ને વિચારો ઘેરતા સંતાપતા

એમ લાગે છે ફરિસ્તા તારા કહેવામાં નથી

૧૧-૦૫-૨૦૧૬

 

Filed under: Poem |