ધુફારી

મેં લખેલી આ ગઝલ જો ક્યાંક તો વંચાય છે

સાંભળીને લોક મોઢે વાહ નિકળી જાય છે;

સાજના સંગાથમાં જોયું ‘ધુફારી’ એટલું

આ ગઝલના શે’ર ત્યારે કંકુ વરણા થાય છે

૧૪-૧૨-૨૦૧૪

વાતનો કંઇ પણ ના વિવાદ કર,  

પાછો ફરીને ના કશી ફરિયાદ કર;

ભુલવા જેવું છે ઘણું તે ભુલી કરી

યાદ કરવા જેવું તો તું યાદ કર

૩૦-૦૬-૨૦૧૪

મન બરકરાર હોવો જોઇએ

ભરોસો તલભાર હોવો જોઇએ;

કાગળ કલમ ઉપાડેથી શું થશે?

શબ્દનો સહકાર હોવો જોઇએ

૨૨-૦૮-૨૦૧૪

ના કશી ફરિયાદ કરવા માગું છું,

ના કશી તકરાર કરવા માગું છું;

બે પળ મારા કાજે જરા ફાળવો,

હું ફકત સંગાથ કરવા માગું છું

૩૦-૦૬-૨૦૧૪

Filed under: Poem |