ધુફારી

સાગર તણી ભરતી સમા આ સ્પંદનો કાં જાગતા?;

આ સ્પંદનો ભેગા મળી શાને જવાબો માંગતા?

વણઝાર છે પ્રશ્નો તણી ને જો જવાબો ના જડે;

પ્રશ્નો બધા વિલાયલા યા તો નકામા લાગતા.

શાને નકામા પ્રશ્નને બહેલાવવા મથવું પડે?;

વિલાયલા પ્રશ્નો તણા ના કો’ જવાબો લાધતા.

કો’ ફૂલ સમ નાજુક છે જે હાથ લાગે ને હસે;

કાંટા સમાણા કોઇ છે જે હાથ લાગે વાગતા

ગુમરાય છે મનમાં સતત જાણે વમળ જળમાં ફરેઃ

ચાલો ‘ધુફારી’ છોડ પણ બણ આભ સામે તાકતા

૧૮-૧૧-૨૦૧૪

 

 

 

Filed under: Poem |