ધુફારી

‘ઓથાર છે’

જ્યાં નજર દોડાવશો ત્યાં ભય તણો ઓથાર છે;

અવનવા રૂપો ધરેલા ભય તણો ઓથાર છે

જે મળે ખ્યાતી જગતમાં તે મજા કંઇ ઓર છે;

છે રવિને પણ ગ્રહણના ભય તણો ઓથાર છે

ગંજ જે ખડકી રહ્યા છો ધન તણા ભંડારમાં;

સંપતિને લૂટ કેરા ભય તણો ઓથાર છે

દુશ્મનો ભેગા કરી ને જિન્દગીમાં શું મળ્યું ?;

જીન્દગીને મોત કેરા ભય તણો ઓથાર છે

રૂપના અંબાર સમ તારૂં બદન શોભે ભલે;

એ બદન પર કરચલીના ભય તણો ઓથાર છે.

મોતની તલવાર માનવ પર સતત લટકી રહી;

તૂટશે એ ઘાત કરવા ભય તણો ઓથાર છે

આ “ધુફારી”ના કવચમાં ભય વગર તું ચાલજે;

એ કવચમાં ના કશા પણ ભય તણો ઓથાર છે

૨૧-૧૨-૨૦૧૩

 

 

 

Filed under: Poem |