ધુફારી

શરમાય છે

(રાગઃ આપકી આંખોમેં કુછ મહેકે હુવેસે ખ્વાબ હૈ…)

મીઠડું મલકી કરી તું, કેટલું શરમાય છે;

જોઇને તારી અદા આ, મન બહુ હરખાય છે

લાગણીની માંગણીની, વેલ બહુ લાંબી હતી;

આભને એ આંબશે, યા તો અગર આંબી હતી

પ્રેમ કેરા પુષ્પ ખિલ્યા, એ પરે દેખાય છે……. મીઠડું મલકી કરી તું

કેશને પસવાર ના, જો વાયરો એથી રમે;

વદન પર આવી કરીને, આવરણ કરવા નમે,

આ ‘ધુફારી” જોય ત્યારે, કેટલુ મલકાય છે….. મીઠડું મલકી કરી તું

૧૦-૦૨-૨૦૧૫ 

Filed under: Poem |