ધુફારી

રંગ રાખો છો

સમયને પારખી તેવા બદલતા રંગ રાખો છો;

તમોને હાજી હા કરનાર લોકો સંગ રાખો છો

તમારા મગજમાં શી રમત છે એ રામ જાણે છે;

મગજ મારી કરી સૌના ચહેરા તંગ રાખો છો

અચાનકથી કરી વિસ્ફોટ વાણીનો બધા સામે;

કરી વાણી તણો વિલાસ સૌને દંગ રાખો છો

કરો છો વાયદા ખોટા સમર્થન પામવા માટે;

નથી કંઇ કામ કરતા લોકને તો લંગ રાખોછો

‘ધુફારી’ને ખબર છે ચાલ શતરંજની ચલાવો છો;

હ્રદયમાં ઝેર છે ને હોઠ પર તો વ્યંગ રાખો છો

૨૯-૧૨-૨૦૧૪

Filed under: Poem |