ધુફારી

એ જરા ગાંડી હતી

એ મને ક્યાંથી મળી’તી એ કશું કહેવાય ના;

આંખથી આંખો લડી’તી એ કશું કહેવાય ના

હું હતો ઉત્તર તરફથી એ દક્ષિણથી આવતી;

કેમ એ પાછી વળી’તી એ કશું કહેવાયના

કેશની લાંબી લટો પસવારતા મલકી હતી;

એ નજર વીંધી ગયેલી એ કશું કહેવાય ના

આ પછી પાછી મને મળશે અગર તો ના મળે;

શોધવા એના સઘડ ક્યાં એ કશું કહેવાય ના

જે હકિકત થઇ હતી કીધી ‘ધુફારી’એ કહ્યું;

એ જરા ગાંડી હતી પણ એ કશું કહેવાય ના

૧૫-૧૨-૨૦૧૪

Filed under: Poem |