ધુફારી

મુક્તક (૯)

કોકિલા ગીતો મધુરા ગાય છે,

જો મધુકર સાંભળી હરખાય છે;

આ ‘ધુફારી’ રાત દી’ જોતો રહે,

ફૂલ ઊગડે મઘમઘે કરમાય છે.    

-0-

શિલ્પ જુનામાં નવું કૈં કોતરી શકતા નથી,

રથ મહીં વૈશાખનંદન જોતરી શકતા નથી;

જાણતો એવું ‘ધુફારી’ ઇશને આધીન છે,

હસ્તરેખાને નવી કૈ ચીતરી શકતા નથી.

-0-

ભલે વેરાન વગાડો હોય પણ એમાં ચમન લાગે,

ધરા પર ફૂલની ચાદર કસુંબલ કો’ ગવન લાગે;

‘ધુફારી’ મગ્ન હો પોતા મહીં એવો સમય આવે,

અચાનક દ્વાર ખખડે ને કોઇનું આગમન લાગે.

૩૧-૧૨-૨૦૧૩

Filed under: Poem |