“મળેલી તું મને શાને?”

મને ગમતું નથી ક્યાં પણ મળેલી તું મને શાને?

હવે રમતું નથી ક્યાં મન મળેલી તું મને શાને?

હતી આલમ અનેરી એ ભરેલી મોજ મસ્તીની;

મસ્તીની કરી પસ્તી મળેલી તું મને શાને?

સદા રહેતા હતા નયનો ભરેલા ગાઢ નિદ્રાથી;

હવે વેરણ થઇ બેઠી મળેલી તું મને શાને?

ન જાણે કેટલા ચક્કર ફરી લીધા હતા ત્યાં મેં;

ફરી તું ના મળી મુજને મળેલી તું મને શાને?

ન રહેવાતું ન સહેવાતું થયો છે હાલ એ મારો;

“ધુફારી”ને જરા કહેજે મળેલી તું મને શાને?

૦૨/૦૧/૨૦૧૨

Filed under: Poem |