Posted on January 14, 2012 by dhufari
“મળેલી તું મને શાને?”
મને ગમતું નથી ક્યાં પણ મળેલી તું મને શાને?
હવે રમતું નથી ક્યાં મન મળેલી તું મને શાને?
હતી આલમ અનેરી એ ભરેલી મોજ મસ્તીની;
મસ્તીની કરી પસ્તી મળેલી તું મને શાને?
સદા રહેતા હતા નયનો ભરેલા ગાઢ નિદ્રાથી;
હવે વેરણ થઇ બેઠી મળેલી તું મને શાને?
ન જાણે કેટલા ચક્કર ફરી લીધા હતા ત્યાં મેં;
ફરી તું ના મળી મુજને મળેલી તું મને શાને?
ન રહેવાતું ન સહેવાતું થયો છે હાલ એ મારો;
“ધુફારી”ને જરા કહેજે મળેલી તું મને શાને?
૦૨/૦૧/૨૦૧૨
Filed under: Poem | Leave a comment »
Posted on January 14, 2012 by dhufari
“જાય છે”
હું નથી એ જાણતો કે આમ શાને થાય છે?
રાહ પર ચાલ્યા પછી એ રાહ બદલી જાય છે
નામ જેના યાદ હો તેતો કદી મળતા નથી;
જે મળે છે એમના મન નામ ભુલી જાય છે?
રોજ દેવાલય મહીં જે બોલતા’તા પ્રાર્થના;
કોઇને શિખવાડતા મન શબ્દ ભુલી જાય છે?
આંખજે ઘોંઘાટમાં મિચાયલી રહ છે સદા;
તે અચાનક શાંત થાતા કેમ ઉઘડી જાય છે?
કેટલા વર્ષો પછી મોકો મળ્યો મળવા તણો;
એ “ધુફારી” નો સમય મન કેમ ભૂલી જાય છે?
૦૪/૦૧/૨૦૧૨
Filed under: Poem | Leave a comment »
