“અંદરની”
કબર આરસ તણી હો યા ચણેલી ઇટ પથ્થરની
બનીને શબ મહીં સુતા કથા છે એ જ અંદરની
તવંગર છે કુટીરોમાં ગરીબો છે મહાલયમાં;
નથી આ ધન તણી વ્યાખ્યા સમજ છે એ જ અંદરની.
રજતની હોય એ થાળી અગર એ હોય માટીની;
બધાના પાત્રમાં રોટી ગરીબોની તવંગરની.
નનામી વાંસની બાંધો અગર હો કાસ્ટ ચંદનની;
અગનમાં શબ બળી જાતારહે છે રાખ અંદરની.
ઘડેલા એક માટીથી બધા માનવ જગતનાથે;
“ધુફારી”પણ અલગ રચના બધાની બહાર અંદરની.
૨૪.૦૮.૨૦૦૮
Filed under: Poem |
સરસ રચના.
ભાઇશ્રી શુકલા
મારા બ્લોગની વિઝિટ લેવા બદલ આભાર આવી જ રીતે અવાર નવાર પધરતા રહેશો અને માત્ર બે શબ્દ્થી નહીં કશુંક સવિસ્તાર જણાવો તો સારૂં
આભાર
સરસ રચના છે … ઘણા સમયે આપના બ્લોગ ઉપર આવવાનું શક્ય બન્યું …. આજે તો એક સાથે ઘણુંયે વાંચી લીધું !
આવી જ રીતે અવાર નવાર વાંચવાનું રાખશો
આભાર