ધુફારી

“માંડવીમાં ચાલવા છે“

 

ચાર પગલા તારી સાથે માંડવીમાં ચાલવા છે;

યાદ જૂની પામવાને માંડવીમાં ચાલવા છે.

 

એ નદી રૂકમાવતીની રેતમાં જઇ બેસવું છે;

શોધવા જૂનો જમાનો માંડવીમાં ચાલવા છે.

 

લાંગરેલા વાણ ધંગી ના તરે તો શું થવાનું?

બેસવા ફરવા મળે જો માંડવીમાં ચાલવા છે.

 

તાક ટોપણસર તણે ને વડ તણી વડવાઇઓ;

બેસવા ને ઝુલવાને માંડવીમાં ચાલવા છે.

 

જર્જરિત જૂની થયેલી બારીઓ ને બારણાઓ;

ખોલવા ફંફોસવાને માંડવીમાં ચાલવા છે.

 

તું મને જોતી હતી એ બારીને ઉગડાવવાને;

ને ફરી સીટી વગાડી માંડવીમાં ચાલવા છે.

 

એ બધું તો થઇ જશે એની ફિકર ન કશી પણ;

હો “ધુફારી” સાથમાં તું માંડવીમાં ચાલવા છે.

 

૨૧/૧૧/૨૦૦૫ 

 

Filed under: Poem |