ધુફારી

“શાયરો ભેગા“

 

નથી કરવા હવે મુશાયરા કે શાયરો ભેગા;

નથી ભળવું જતી વણજારમાં એ શાયરો ભેગા.

 

મરમ સમજી રહ્યા છે એ ભરમ દેખાડતા લોકો;

ભરી સો સો સલામો ન જાવું એ શાયરો ભેગા.

 

મળી ટીકા ઘણી વખણાઇ છે બહુ શાયરી ઓછી;

જનાજા શાયરીના કાઢવા ના શાયરો ભેગા.

 

મને જે લાગતી મીઠી એ કડવી થઇ ઘણા જનને;

મધુરપ ભુલવાને ના જવું એ શાયરો ભેગા.

 

લઇને વાત મનપર ને થતાં જોયા દુઃખી લોકો;

“ધુફારી” તો ન ગણકારે ભલે હો શાયરો ભેગા.

 

૨૧/૦૩/૨૦૦૫

Filed under: Poem |