ધુફારી

“કરતી નથી“

(રાગઃ કલ ચૌધવીકી રાત થી……..)

 

ચાહ્યો મને છે છતાં એકરાર એ કરતી નથી;

જાહેરમાં મળવા થકી પણ એ કદી ડરતી નથી.

 

સરખી મળે સાહેલીઓ પણ વાત એ કરતી નથી;

હ્રદય મહીં જે ઉદભવે એ જીભથી સરતી નથી.

 

મિલન તણાં હર વાયદામાં એ કદી ફરતી નથી;

મિલન મહીં આંખો કદી પ્રેમ નીતરતી નથી.

 

ના વાતમાં ના આંખમાં પણ પ્રેમની ભરતી નથીઃ

આશા અમર છે વાત દિલ ઊંડાણથી ખરતી નથી.

 

આ પાર કે ઓ પાર ચોખ્ખી વાત એ કરતી નથી;

ચાહે “ધુફારી” આજ કહી દે પ્રેમ એ કરતી નથી.

 

૨૮/૦૩/૨૦૦૫

Filed under: Poem |