ધુફારી

“કોને ખબર?”

 

આ પવન વંટોળ ક્યારે થઇ જશે કોને ખબર?;

સાથમાં ક્યાં ક્યાં અને શું લઇ જશે કોને ખબર?

 

પાંદડાઓ રાસડા જે લઇ રહ્યા છે ગેલમાં;

ક્યાં લઇ પછડાવશે પથરાવશે કોને ખબર?

 

ધૂળની ડમરી તણાં પડદા મહીં અટવાઇને;

આંધળા જણ કેટલા એમાં થશે કોને ખબર?

 

વાદળા યુધ્ધે ચડે ને વીજના તણખા ઝરે;

ક્યાં વળી વરસાદ પણ વરસાવશે કોને ખબર?

 

દૂરના ઓરા થશે નજદીકના આઘા જશે;

છે “ધુફારી” મધ્યમાં તો શું થશે કોને ખબર?

 

૨૮/૦૭/૨૦૦૩

 

Filed under: Poem |