ધુફારી

“ડરાવે છે“

 

ગમોથી ના ડરો નાહક તમોને એ ડરાવે છે;

ન કરવાના ઘણાં કામો તમારાથી કરાવે છે.

 

રહી છે દુશ્મનાવટ એમની ઝાઝી ખૂશી સાથે;

પલકમાં દૂર હડસેલી તમોને રોવડાવે છે.

 

કદી  ઉન્માદથી ઇર્ષા થકી કે મોહમાયાથી;

સતાવા કાજ સાધન એ અનોખા આજમાવે છે.

 

ટ્કી શકતા નથી ક્યારે મનોબળ હો તમારામાં;

હસીને ઝુંઝનારાઓ હંમેશાથી હરાવએ છે.

 

“ધુફારી“ને ઘણા ગમ જિંદગીમાં ભેટતા આવ્યા;

હસીને આવકારીને પછી પાછા વળાવે છે.

 

૧૯/૦૫/૨૦૦૦

Filed under: Poem |