ધુફારી

“અવકાશ બાકી છે“

 

ગમોથી દિલ ભરેલામાં હજુ અવકાશ બાકી છે;

સમાવી લઉ ગમો તારા હજુ અવકાશ બાકી છે.

 

મને તારો ગણે છે તો હજુ કયાં કંઇક ખૂટે છે;

હ્રદયને પણ હ્રદય સાથે હજુ વિશ્વાસ બાકી છે.

 

કદી આ હાથ ઝાલીને ભરેલાં બે કદમ સાથે;

ત્રિભેટે એ ગયા છુટી હજુ આભાસ બાકી છે.

 

સમય વીતી ગયેલાને તમસમાં હું રહ્યો જોતો;

ગયો વિખરાઇ અજવાળે હજુ આભાસ બાકી છે.

 

જગત કેરી થપાટોથી ઘડાયું છે હ્રદય એવું;

છતાં પણ દિલ “ધુફારી“માં હજુ કુમાશ બાકી છે.

 

૧૬/૦૭/૧૯૯૮

Filed under: Poem |