ધુફારી

“અજંપો“

અજંપાને જ પંપાળી રહ્યો છું કેમ શા માટે?;

લઇને ગોદમાં ફરતો રહ્યો છું કેમ શા માટે?.

કદી એકાંતમાં બેસી અજંપાને જ ખંખેરૂં;

મળે છે વેગ બમણાથી ન જાણું એમ શા માટે?.

કદી જાગે અનુકંપા કદી ગુસ્સો અજંપા પર;

નથી સમજી શકાતું આ છતાં પણ રહેમ શા માટે?.

ગયા છે હાથ પણ થાકી નથી આ ભાર સહેવાતો;

નથી મુકી શકાતું ક્યાં પણ એ વ્હેમ શા માટે?.

હશે અસ્તિત્વ મારૂં જ્યાં કશે એ ત્યાં હશે સાથે;

“ધુફારી” જાણવું મારે થયો આ પ્રેમ શા માટે?.

૨૨/૦૨/૧૯૯૯

Filed under: Poem |