ધુફારી

“મુશાયરો“

મુશાયરામાં આજ તો મિત્રો બધા ભેગા થયા;

આનંદવાને આજ તો મિત્રો બધા ભેગા થયા.

શબ્દો થકી શબ્દો વડે શબ્દો તણાં સંગાથમાં;

કાવ્ય કહેવા કાજ તો મિત્રો બધા ભેગા થયા.

શાયર લખે ને કોઇપણ ના સાંભળે એવું બને;

અવકાશ દેવા આજ તો મિત્રો બધા ભેગા થયા.

મારી શરત બસ એટલી કે કાવ્યમાં બોલે બધા;

કરવા અહીં આગાઝ તો મિત્રો બધા ભેગા થયા.

લાવો “ધુફારી“હાથ જાલી ને અહીં મહેફિલ મહીં;

જોવા નવો અંદાઝ તો મિત્રો બધા ભેગા થયા.

૦૮/૦૭/૧૯૯૮

Filed under: Poem |