ધુફારી

“સાંભળેલી વાત છે“

 

હોય છે એકાંત વરવું સાંભળેલી વાત છે;

બંધનો છોડીને ખરવું સાંભળેલી વાત છે.

 

આંખની ખુલ્લી અટારી ને બધે સુનકાર છે;

કે તમસ લીસાથી સરવું સાંભળેલી વાત છે.

 

કાળમાં ધરબાયેલી ગાથા ફરીથી ખોલવી;

ઉત્તરો આપ્યા જ કરવું સાંભળેલી વાત છે.

 

કોઇપણ હોતું નથી જ્યાં સાથમાં સંગાથમાં;

નગ્નતા જોતા જ ડરવું સાંભળેલી વાત છે.

 

લોક તો નિંદા કરે જાણે “ધુફારી” વાતને;

સ્વ નજરમાં રોજ મરવું સાંભળેલી વાત છે.

 

૦૧/૦૧/૧૯૯૮

Filed under: Poem |