ધુફારી

“કોણ છો?”

 

ના તમે પુછી શકો કે કોણ છો?;

એમને એ પુછનારા કોણ છો?

 

એમને કૌભાંડ કરવા છુટ છે;

એમનો હક ઝુંટનારા કોણ છો?

 

ચુંટ્ણી વખતે વિચારી ના શક્યા;

ને હવે ઉઠાડનારા કોણ છો?

 

મંત્ર ગાંધીના ભલે ભુલ્યા અમે;

યાદ એની આપનારા કોણ છો?

 

તોડવા માટે વચન તો હોય છે;

એ વચન સંભારનારા કોણ છો?

 

રાજ પોપાંબાઇનું ચાલે બધે;

એહને અટકાવનારા કોણ છો?

 

આખલા ધણખૂંટ કે ઉંદર અમો;

રૂપ ધરતા રોકનારા કોણ છો?

 

સીમ બાજુ ખેંચતા રહેશું સતત;

ગામ બાજુ ખેંચનારા કોણ છો?

 

બસ “ધુફારી” પુછશે તો જોઇશું;

એમનો મત આપનારા કોણ છો?

 

૨૫/૧૨/૧૯૯૭

Filed under: Poem |