ધુફારી

“દમ નથી“

 

તું મને ચાહતી નથી એ વાતમાં કંઇ દમ નથી;

મારી ગઝલ ગાતી નથી એ વાતમાં કંઇ દમ નથી.

 

શું કરૂં છું ક્યાં ફરૂં છું એ બધી રાખે ખબર;

મારી ફિકર થાતી નથી એ વાતમાં કંઇ દમ નથી.

 

પ્રેમ રસભર પણ નનામા પત્ર જે મળતા મને;

તું જ મોકલતી નથી એ વાતમાં કંઇ દમ નથી.

 

છે બહાના પણ ઘણા જે તું સતત શોધ્યા કરે;

મારી કસમ ખાતી નથી એ વાતમાં કંઇ દમ નથી.

 

આમ અણજાણી “ધુફારી“થી થશે તું ક્યાં સુધી?;

તું ખુદ કહે ચાહતી નથી એ વાતમાં કંઇ દમ નથી.

 

૨૬/૦૧/૧૯૯૬

Filed under: Poem |