ધુફારી

“હું હસી લઉ છું“

 

કો ઘમંડી રૂપ જોતાં હું હસી લઉ છું જરા;

જોઇ એની પ્રેમ લીલા હું હસી લઉ છું જરા.

 

તું હતી તેજાબ જેવી કત્લ તેં કીધો મને;

ઝેર એ પીધા છતાં પણ હું હસી લઉ છું જરા.

 

દિલ કુંવારા પગ તળે કચડ્યા હશે તેં કેટલા;

એ નઠારી ચાલ જોતાં હું હસી લઉ છું જરા.

 

રૂપનું અભિમાન છે પણ એ ટકે તો કેટલું?;

રૂપ એ નિસ્તેજ થાતાં હું હસી લઉ છું જરા.

 

એક માથાનો મળ્યો બસ “ધુફારી” એકલો;

યાદ આવે છે કદી તો હું હસી લઉ છું જરા.

 

૨૪/૦૬/૧૯૯૫          

Filed under: Poem |