ધુફારી

“વેંચવાનું છે“

 

ખરીદે જો હ્રદય કોઇ હવે એ વેંચવાનું છે;

નથી રહેતું હવે કોઇ હવે એ વેંચવાનું છે.

 

જરા જો જો તપાસી લો પછી ફરિયાદ ના કરતાં;

મરમ્મત ના થઇ કોઇ હવે એ વેંચવાનું છે.

 

ખરે છે ધૂળ ટીકાની નથી છત ધીરની કયાં પણ;

ભરેલી મુંજવણ જોઇ હવે એ વેંચવાનું છે.

 

નથી દિવાલ કો‘કોરી સમયના પોપડા ખરતાં;

ફરસ પર જખ્મના લોહી હવે એ વેંચવાનું છે.

 

ખરીદી કોઇ શું કરશે નથી ભાડેથી રહેનારૂં;

“ધુફારી” આંખડી રોઇ હવે એ વેંચવાનુ છે.

 

૨૭/૦૮/૧૯૯૪

 

Filed under: Poem |