ધુફારી

“ચાંદની ખિલ્યા કરે“

 

આજ તું આવી મળે ને ચાંદની ખિલ્યા કરે;

રેશ્મી ઝુલ્ફો મહીં અટવાઇ મન ઝુલ્યા કરે.

 

આજ જેવી કેટલીય રાત ઉગી આથમી;

રોજ દરવાજા ઉમીદોના બધા ખુલ્યા કરે.

 

વાટ જોતી આંખડી મિંચાય છે થાકી જઇ;

તે છતાં પણ રોજ એ થાકો બધા ભુલ્યા કરે.

 

આશકી તારી મળી છે યાદ એ કરતાં સતત;

ડોક પારેવા સમાણી રાત‘દી ફૂલ્યા કરે.

 

યાદની શબનમ સતત વરસી રહે છે રાતભર;

ને “ધુફારી” પ્રીતના મોતી મહીં મુલ્યા કરે.

 

૧૪/૦૪/૧૯૯૪

Filed under: Poem |