ધુફારી

“ઉધારી જિન્દગી“

 

મોત પાસેથી મળેલી છે ઉધારી જિન્દગી;

આપનારાની ઘડેલી છે ઉધારી જિન્દગી.

 

સદનશીબી બદનશીબી ના કશી ચર્ચા કરો;

લાગણી આંસુ ભરેલી છે ઉધારી જિન્દગી.

 

મન તણાં કારણ બધા છે ને નજરનો ખેલ છે;

માનવે ઢાળી ઢળેલી છે ઉધારી જિન્દગી.

 

ઝાંઝવાના જળ સમાણી ઝંખના જાગે સદા;

પામતા ઓછી પડેલી છે ઉધારી જિન્દગી.

 

કોઇને ફૂલો સમી તો કોઇને કાંટા સમી;

ભાગમાં આવી પડેલી છે ઉધારી જિન્દગી.

 

આયખું માગે “ધુફારી” કેટલું ઓછું–વધુ;

હાથમાં સરતી રહેલી છે ઉધારી જિન્દગી.

 

૧૨/૧૦/૧૯૯૪

Filed under: Poem |