ધુફારી

“ગિરીવરધર“

(રાગઃ દર્શન દો ઘનશ્યામ નાથ મેરી અખિયા પ્યાસી રે…..)

ગિરીવરધર ગોપાલલાલ ઘનશ્યામ મુરારી રે… … .

વાંસની પોલી છેદ કરીને,બંસી અધરપર પ્રેમ ધરી ને (૨)

સુરગંગાના વહેતા મુક્યા,નિર્મળ વારી રે… … …ગિરીવરધર

મોરમુકુટ પિતાંબર સોહે,વૈજ‘તી માલા મન મોહે (૨)

કાળો કાળો કામણગારો,કુંજ બિહારી રે… … … .ગિરીવરધર

રાધારાણી કેરા સંગે,રાસ રચાયો નિત નવરંગે (૨)

ધન્ય થઇ આ વૃજની ધરણી,વૃજ નરનારી રે.. … .ગિરીવરધર

દાસ “પ્રભુ“ને શરણે લેજે,નિત નિત દર્શન દાતા દેજે (૨)

તારા ચરણમાં આજ ધરી મેં,જિન્દગી મારી રે.. … .ગિરીવરધર

૧૭/૦૭/૧૯૯૦

Filed under: Poem |