ધુફારી

“કડાં“(કચ્છી)

(રાગઃ દગા દગા વઇ વઇ વઇ……..) 

 

કડાં કડાં વઇ વઇ વેં… …

કડાં કડાં વઇ વઇ વેં…ગોરી

હાણે જલાણી તોજી ચોરી… … … કડાં કડાં

મથેતે માટી ઠલી વાટ મથુરાજી જલે,

જમનાઘાટ અચેં ક્યાનું તું કેં કેંતી મલે;

હાણે શરમાય મ તું ગાલ લકાય મ તું,

હે રાધે હે રાધે હે રાધા… … … .કડાં કડાં

ભલે તું કીં ન કુછે તોંય પણ ખબર પેતી,

ડસીને રંગઢંગ તોજા ને નજર ચેતી;

કોય ચોરાય ગડે હૈયો હેરાય ગડે,

હે રાધે હે રાધે હે રાધા… … … .કડાં કડાં

“પરભુ“ત ગોતે ગોતે રોજ કડાં કાન મલે,

રમાડે લકબુચાણી તું રખેતી કાન જલે;

કેર ચતચોર કેંજો નાય જભાભ તેંજો,

હે રાધે હે રાધે હે રાધા… … … .કડાં કડાં

 

૦૨/૧૧/૧૯૯૦

Filed under: Kachchhi |