ધુફારી

“બુંદ બુંદ“

 

જોઇ નીચોવી નફરતને તો મહોબ્બ્ત ટપકી બુંદ બુંદ્;

લૂ ઝરતાં ઉનાળે જાણે ઝાકળ ટપકી બુંદ બુંદ.

ઘેરી ઘોર નિરાશામાંથી આશા ટપકી બુંદ બુંદ;

ખારાપાટ મહીંકો મીઠી વીરડી ટપકી બુંદ બુંદ.

દુરાચારના દોજખ વચ્ચે મમતા ટપકી બુંદ બુંદ;

ધગધગતા અંગારે જાણે હીમ કો ટપકી બુંદ બુંદ.

સોમલ કેરા ઝહેર મહીંથી અમૃત ટપકી બુંદ બુંદ;

કલમ “ધુફારી” કરમાં લેતાં કવિતા ટપકી બુંદ બુંદ.

 

૨૨/૦૫/૧૯૯૦

Filed under: Poem |