ધુફારી

“ખટકો“

 

ઉર મહીં ખટક્યા કરે,કંઇ કશું કોને ગમે;

ના ગમ્યું તમને કદી,મુજને ભલા ક્યાંથી ગમે.

    મારા તમારાની દિવાલો,કોઇ ન‘તી કોઇ નથી;

    શી વ્યથા છે ઉર મહીં,કહી જો શકો કહી દો તમે.

ઉર તણાં ઊંડાણને તો,આત્મજન આંબી શકે;

ના ઉચિત જો પારકા,એમાં પડે ક્યાંથી ગમે.

     સંસારની ઘટમાળથી,ઉરમાં પડી છે કોતરો;

     અટવાઇ કો અણજાણ જો,ખટક્યા કરે કોને ગમે.

અટવાય છે શું ઉર મહી,ખટકી રહ્યું શોધી કહું;

ઉરમાં “ધુફારી“ને ઉતરવાની ઇજાજત દો તમે.

 

૦૬/૧૨/૧૯૮૮ 

Filed under: Poem |